Kya tum ab bhi dekh rahe ho?

Jab main sone leti thi,
pas mere tum baithe the,
Kabhi balon ko suljhate the,
Kabhi haule se sehlate the,
Jo nazar utha kar dekhti main,
to palkein band kar dete the,

Tum tuk tuk dekh rahe the,
aur maine palken neechi kar lein,

Neend lagi bhi meri to,
Sapnon mein bhi tum hi tum the,
Har choti baat pe ladti main,
Aur tum mujhko samjhate the,
Har hathboli par meri tum,
Muska kar maan jate the.
Main jeet ke khush ho jati thi,
tum haar ke bhi khush hote the
Mujhe man hi man muskate dekh
palkon ko chooma karte the.

Adhi raina beet gayi
Aankhon mein to neend nhi
Ab tum mere paas nahi ho
Kya tum ab bhi dekh rahe ho?

Jab mein sone leti thi....